DAGITI ARAMIDEN TI DA-LGU ITI WET SEASON 2013 (MARCH 16-SEPT. 15)

Cabugao, Ilocos Sur – Iti pannaki-amad ti Web In-Action idi Abril 10, 2013, imbatad ni Municipal Rice Program Coordinator Nereo S. Daproza, AT a napagnunumuanda kadagiti kakaduada iti opisina ken dagiti Opisiales ti nadumaduma nga asosasion ti mannalon ti Cabugao dagiti maisayangkat iti Opisinada nga aktibidades para iti Rice Program,  Wet Season 2013 (March 16-September 15).

Dagiti sumaganad dagiti naiplano nga aramidenda:
1. Panangtulongda iti pannakaibunong dagiti Fertilizer Subsidies kadagiti mannalon nga ipaay ti Gobierno Lokal.
2. Technical Briefing iti Rice Production (Municipal-wide).
3. Technical Briefing in Rice Production: Techno-Demo Hybrid ken Techno-Demo Inbred
4. Benchmarking/Participatory Rapid Appraisal  in the Conduct of Farmer’s Field School-Rice, Seed to Seed Technology.
4. Technical Briefing (Plant Now Pay  Later), Rice Techno-Demo (LGU-DA Venture).
5. FFS-Participatory Plant Breeding on Rice: Producing Inbred Variety and Producing Hybrid Variety. 

Iti agdama, maar-aramid   ti re-validation ti masterlists dagiti mannalon tapno matingiting dagiti umisu nga umawat iti subsidies, segun ken ni Mr. Daproza.

Ti agtultuloy a pannakaitandudo ti Rice Self Sufficiency Program iti LGU-Cabugao ken DA-RFU 1 ket paset ti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno madadaan  iti nawadwad nga apit dagiti mannalon ken supisiente a pagtaraon dagiti umili.   # (Web In-Action)