Cabugao, Ilocos Sur – Iti pannaki-amad ti Web In-Action, imbatad dagiti agindeg iti Sitio Bio, Barangay Maradodon, Cabugao, Ilocos Sur a nabayagen a mapanam-ayanda a pagdalanan iti kaaduanen a sementado a dalan iti papanda iti Brgy. Maradodon Proper.
Dagitoy a pagsayaatan ket resulta iti napintas a panagtutunosda a pumurok ken iti panangibagnos kadakuada ni Brgy. Captain Geogie R. Benavidez ken panangilungalong ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti agtultuloy a pannakapasayaat dagiti kalsada iti barangay a pakairamanan ti Sitio tapno nadaras a mairuar dagiti mannalon ti produktoda ken manam-ayanda iti panagdaliasatda.
Ti Sitio Bio ket maysa kadagiti purok ti Barangay Maradodon, Cabugao, Ilocos Sur. # (Web In-Action)
No comments:
Post a Comment