Cabugao, Ilocos Sur – Iti pannaki-amad ti Web In-Action idi Abril 15, 2013 kadagiti agindeg iti Barangay Carusipan, imbatadda a pagyamananda unay iti Konseho ti Barangay nga idauluan ni Brgy. Captain Oscar Pula ken ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti panangilungalongda iti pannakasemento ti sumrekan ti barangay. Innayonda a manam-ayanda kadaytoy a nainayon a pagsayaatan ti dalanda ta nalakada nga iruar dagiti produktoda.
Ti pannakapasayaat dagiti kalsada ti barangay ken sitio ket agtultuloy a programa ti LGU-Cabugao tapno ma-motibar dagiti mannalon nga agsaldet pay nga agmulmula ta nadarasda a maibiahe dagiti apitda ken nasimpa ti pagnaanda nga agudong ken umaway. # (Web In-Action)
No comments:
Post a Comment