Cabugao, Ilocos Sur - Nairingpasen ti nasemento a kalsada iti Brgy. Salapasap, Cabugao, Ilocos Sur. Iti pannaki-amad ti Web In-Action idi April 8, 2013, imbatad ni Mr. Carlito Villegas a pimmintas ti buya ti purokda, mapnekda nga agidaliasat ti produktoda agingga iti National Highway ken NISTC-Public Market ta saan a natelteg ken agnanayonen a pagnam-ayanda ti agdaliasat.Insupusop pay ni Mr. Villegas a pagyamananda unay iti Munisipio dagitoy a naited a pagnam-ayanda. Ti Brgy. Salapasap ket maibilang a “Vegetable Bowl” ti ili ti Cabugao ken idauluan ni Brgy. Captain Ronel Zamora. # (Web In-Action)
No comments:
Post a Comment