MONTHLY MEETING TI BACALL MPA, NAANGAY

Cabugao, Ilocos Sur – Naangay ti Monthly Meeting dagiti kameng ti BACALL MPA (Baclig-Callaguip-Lusong Suyo) Multipurpose Association nga idauluan ni Mr. Dominador Reynold “DRS” Sabio, Presidente,  iti salinong ti Palay Shed, Sitio Lusong Suyo, Brgy. Baclig, Cabugao, Ilocos Sur idi Abril 4, 2013. Nagatendar met da Mrs. Joenah G. Sevilleja ken Miss Kathryn Tapuro, agpada nga AT’s iti DA-LGU.

DAGITI NATRATAR KEN NAPAGNANAMINGAN:

1. Nailawlawag dagiti nainayon nga akem ti asosasion kadagiti kamkameng ken pagannurotan  ken kangrunaanna ti partisipasiondanto  iti kaaldawan ti mannalon iti 2013 Cabugao Ragsak Festival inton Abril 22, 2013.

2. Naited ti sertipikasion dagiti kameng a nagatendar iti seminar ti Training on Corn-Livestock Integrated Farming  System nga inwayat ti DA-RFU 1 ken LGU-Cabugao iti Municipal Conference Hall iti kallabes.

3. Pannakailawlawag ti simrek ken naggastuan ti asosasion ken dadduma pay a pagrebbengan dagiti miembros a saan pay a naited iti Tesoreroda.

4. Partisipasion dagiti miembros iti programa ti DA-RFU 1 nga National Year of Rice School-on-the Air iti DWRS Commado Radio, Vigan City.

5. Naulit a nailawlawag ti napintas a panggep ti Saranay iti asosasion-da  a mangallangon kadagiti kameng no adda emerhensiada.

Nagsarita ni destino nga AT Mrs. Joenah G. Sevilleja. Imbatadna a katinnulongda isuna  a mangidarirag ken ni Mayor Edgardo “Ediboy” S. Cobangbang, Jr. ti pannakaipatungpal ti  programa a pakairamanan  ti BACALL MPA iti Poverty Reduction Program nga ipatungpal ti LGU iti Tawen 2014.

Kalpasan ti naballigi nga Open Forum, pinagyamanan ni President D. Reynold Sabio iti panagatendar dagiti kamengda ken iti agtultuloy a suporta ti LGU-Cabugao kadakuada ken panangtarabay  dagiti Staff ti DA-LGU. # (Web In-Action)