Cabugao, Ilocos Sur – Agtultuloy a mamantener ti Cabugao Ecology Center a masarakan iti Sitio Baliw, Brgy. Quezon, Cabugao, Ilocos Sur babaen ti panangasikaso dagiti LGU Personnel a naka-assigned iti Solid Waste Management Program nga idauluan ni MENRO-Designate Edgar S. Balangatan.
Malaksid iti pannakaidalimanek dagiti basura a maisangpet, agtultuloy met a madalusan ti aglawlaw iti Ecology Center ken mamantener dagiti ramit ken mulmula iti uneg ti inaladan daytoy.Ti pannakaidalimanek ti basura ket maysa a kangrunaan a pakaseknan ti Munisipio nga agtultuloy a maipatungpal babaen kadagiti mangtarawidwid kadaytoy tapno mamantener ti buya ti aglawlaw ken
agkuykuyog ti napintas a sanitasion ken iti agtultuloy a kinadalus ti aglawlaw iti ili ti Cabugao. # (Web Situational Report)
No comments:
Post a Comment