Cabugao, Ilocos Sur – Iti pannaki-amad ti Web In-Action idi Abril 12, 2013, imbatad ni Brgy. Captain Modesto B. Ronque a naaramiden ti slope protection iti batog ti Barangal Hall ken Auditorium-da babaen iti 20% Development Fund ti Sangguniang Barangay-da. Dagitoy a naileppas a proyekto ket nakidser a proteksion dagiti pasilidadesda iti panagteppang iti nangatngato a paset ti daga no umay ti panagtutudo.
Naaramid pay ti canal concrete gutter iti paset ti kalsadada a mangsolbar iti panagbunnong ti danum no panawen ti tudtudo.
Ti Barangay Aragan ket tinawen a makagun-od ti pammadayaw iti pakontes ti barangay iti ikub ti Munisipalidad ken ti Siglat Awards a pasalip ti Gobierno Probinsial kadagiti barangay iti ili ti Ilocos Sur. # (Web In-Action)
No comments:
Post a Comment