Cabugao, Ilocos Sur – Nairingpasen ti Slope Protection ti agsumbangir a paset ti Marga-ay-Bungro Road babaen ti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. Daytoy a paset ti kalsada ket naisaad iti nalungog a paset ti barangay ket no agpigsa ti tudo ket tuparen ti ayus sana kurukoren a pakaigapuan ti pakateppanganna.Iti pannaki-amad ti Web In- Action iti Abril 5, 2013, imbatad ni Brgy. Captain Fermin Sarinas a naileppasen ti slope protection ken nanayonan ti gabor iti kalsada tapno maingato sakbay nga umay ti panagtutudo. Daytoy a kalsada ket nakasapulan a pagdaliasatan ti sapasap a pagnaan iti panagiinnallatiwda iti agkadarapat a barangay.
Impeksa ni Kapitan Sarinas ti panagyamanna a kaduana dagiti kalugaranna iti panagtutunosda a nagkiddaw ti pannakapasayaat daytoy a kalsada manipud iti LGU-Cabugao. # (Web In-Action)
No comments:
Post a Comment