MANAYNAYONAN TI CONCRETE ROADS TI BRGY. CATUCDAAN

Cabugao, Ilocos Sur – Iti pannaki-amad ti Web In-Action, imbatad ni Brgy. Captain Dominador Sergio Seguritan a nabayagen a  nasementado ti karigatan a paset dagiti main roads ti Barangay Catucdaan nangruna iti agturong iti pageskuelaan babaen iti panangipatungpal ti LGU-Cabugao.

Insupusopna a napasayaat ken nanayonan ti imbornal ti dati a makurkurukor a drainage canal a parte  ti concrete road.

Iti pannakapapintas ti kalsadada, may-ayo ken assideg  met nga agdaldalus dagiti kameng ti 4 P’s iti agsumbangir ti kalsada tapno agtultuloy a napintas ti buya iti pagdaliasatanda iti inaldaw.

Pinagyamanan ni Brgy. Captain Seguritan iti panagtutunosda a kameng ti Konseho ken dagiti lumugar nga agkidkiddaw kadagitoy a nagprogresuan ti barangayda manipud  iti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)