Cabugao, Ilocos Sur – Immawat ti 58 a Households a kameng ti Pantawid Pamilyang Pilipino Program (4 P’s) a naggapu iti nadumaduma a barangay ti ili a Cabugao, Ilocos Sur idi Oktubre 8, 2013 iti Municipal Conference Building.
56 ti aktual a kameng nga immawat ti gatad nga agdagup iti P99,200.00 ken ti dua a recipients ti saan a nakakamakam nga umawat koma ti dagup a P5,000. Segun kadagiti pannakabagi ti Philpost ken DSWD-Region 1, umabot iti P104,200 ti dagup ti naruk-atan a kantidad a naisangrat para iti 58 a beneficiaries kadaytoy a pay-out.
Indauluan da Mr. Elmer Rimonos ken Ms. Maritess Calvo dagiti nagited ti kantidad a kinadkadua ni Miss Aida Cueto, Municipal Link ken Focal Person iti 4 P’s ti LGU-Cabugao iti daytoy a petsa.
Dagitoy a benepisiario ket naituding nga awatenda ti cash grant-da para iti bulan ti Agosto ken iti Setiembre 2013 ita a tawen. # (Web In-Action)
No comments:
Post a Comment