Cabugao, Ilocos Sur – Babaen iti agtultuloy a pannakaipatungpal ti Clean and Green Program ti Munisipio, agtultuloy latta ti pannakadalus ken pannakaputed a patas dagiti babassit a ruot nga agtubtubo iti ikub ti Cabugao Central Park (CCP).Daytoy ti impassingked ni MENRO Edgar S. Balangatan, AT agsipud ta inaldaw a bisbisitaen ti nadumaduma a benneg ti kagimongan kas iti ubbing, agtutubo, nagannak, nataengan, wenno sangaili a maisar-ong wenno balikbayan a naayat nga agpasiar kadagiti public places ti Munisipalidad.
Innayon pay ni Mr. Balangatan a kasapulan a mapagtalinaed a napintas a mabuybuya ken natalinaay a pagpallailangan dagiti umili iti aniaman nga oras ti aldaw ken sardam ken maysa daytoy a rupa ti Munisipio iti amin a benneg ti kagimongan. # (Web In-Action)
No comments:
Post a Comment