Cabugao, Ilocos Sur – Naangay ti Training on Co-Culture Management of sea urchin and seaweeds idiay Barangay Sabang, Cabugao, Ilocos Sur idi Oktubre 18, 2013 a no sadino a ditoy ket nagatendaran dagiti napili a mangngalap kadagiti ili ti Sinait, Cabugao, San Juan, Magsingal, ken Sto. Domingo ken inatendaran dagiti mangngalap iti ili ti Cabugao.
Naangay ti maysa nga aldaw a panagsanay iti Barangay Multipurpose Building ti Barangay Sabang.
Iti umuna a parte ti programa, binagi ni Mr. Belmor C. Bugaoan, PFO-Ilocos Sur iti Acknowledgement of Participants. Imbagian ni Brgy. Captain Edgardo S. Cobangbang, Sr. ni Mayor Edgardo “Ediboy” S. Cobangbang, Jr. a nang-welcome kadagiti partisipantes iti nasao a panagsanay. Kimmablaaw ken nagyaman ti Ama ti Barangay kadagiti nagkaadu a proyekto a maipapaay a pagimbagan dagiti mangngalap iti ili ti Cabugao.
Naisaganad ti Rationale of the Project babaen ken ni Ms. Remely B. Lachica, OIC, Fisheries Production Division sa iti Training Proper a tinarawidwidan da Ms. Amanda Galang ken ni Mr. Glicerio Gorospe.
Kangrunaan a nagwerretan ti nayadal ket iti pakasaritaan ken pakabuklan ti Sea Urchin ken dagiti Seaweeds babaen iti Introduction ti programa, Uses, Forms of Seaweeds, Market, Production Process, Diseases ken Cost and Return.
Nakikaysa met dagiti Personnel ti DA-LGU Cabugao iti nasao a panagsanay.
Nagpaay nga Emcee ni Ms. Herminia Diona Bedar, pannakabagi ti Provincial Fisheries Office (PFO)-Ilocos Sur. # (Web In-Action)
No comments:
Post a Comment