Cabugao, Ilocos Sur – Nagmiting dagiti Personnel ti Clean and Green Program nga idauluan ni MENRO Edgar S. Balangatan, AT iti Municipal Conference Hall ta kayatna a pasingkedan iti inaldaw a pannakaipatungpal ti panagdaldalus nangruna ita a masanguanan iti adu a Holidays ken iti isasangbay dagiti Balikbayans/Bakasionista ditoy Cabugao.
Iti pannaki-uman ti Web In-Action idi Oktubre 14, 2013, imbatad ni MENRO Balangatan nga aramidenda iti agtultuloy a pannakadalus dagiti public utilities and places, Kalsada Nasional ken Provincial Road a masakupan dagiti barangay iti Poblasion ken iti ruar ti Poblasion.
Dagitoy nga aksion ken inisiatiba ket resulta iti sustenable a pannakaipakat ti Clean and Green Program ti Munisipio tapno mamantener iti agtultuloy a kinadalus ken pakaitanduduan ti Turismo iti Munisipalidad. # (Web In-Action)
No comments:
Post a Comment