Cabugao, Ilocos Sur – Babaen iti naregget a kalikagum a naipagteng dagiti Opisiales ti Barangay iti Kapitolio Probinsial, napatgan ti kiddawda a maaddaan ti maimula a seedlings kangrunaan ti niog, guayabano ken mangga kadagiti 33 a barangay ti Munisipalidad ti Cabugao.
Babaen iti panangasistir ni MENRO Edgar S. Balangatan, AT ken ti pannakausar ti lugan ti LGU-Cabugao, nabunag ken naideliber dagitoy a seedlings nga impaay ni Governor Ryan Luis V. Singson tapno ad-adda a maipromot ti reforestation program kadagiti barangay nga agkasapulan ti maimulada a seedlings.
Malaksid iti niog, guayabano ken mangga, adda pay klasena a mahogany, bitta-og, gmelina, fire tree, golden shower, logo ken kawayan a makiddaw iti Barang-ay Farm, Brgy. Labnig East, San Juan, Ilocos Sur nga idauluan ni Dr. Cesar V. Soller, DVM, Farm Manager.
Innayon ni MENRO Balangatan a a babaen itoy a nasaknap a programa ti Tree Planting ken Reforestation Program ti LGU-Cabugao ket manayonan pay dagiti siguden a naimula a seedlings kadagiti kallabes a bulan/tawen babaen iti agtultuloy a panangtartarawidwid ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment