Cabugao, Ilocos Sur - Naituloy a nakongkreto ti Kalsada a sumrek iti Purok 5 ken 6 iti Barangay Bungro, Cabugao, Ilocos Sur.
Iti pannakiuman ti Web In-Action ken ni Brgy. Captain Fermin Sarinas idi Oktubre 14, 2013, impeksana ti ragsakna ta mapadanonan a masemento iti ungto ti nairugi a kalsada a mapan kadagiti Purok iti amianan ti barangayda. Mangnamnama a babaen kadaytoy a napintas a pannakaaramid ti kalsada ken pannaka-riprap iti sidiran ti kanigid ti kalsada ket napapintasna ti buya ti pagdaliasatan ti kaaduan nga agindeg ditoy a Purok ti Barangay.
Innayon ni Kapitan Sarinas agraman kadagiti kalugaranna nga agnaed kadaytoy a dua a purok iti nalaus a panagyamanda iti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti pannakaidarirag ti pannakasemento daytoy a parte ti kalsada ti barangayda. # (Web In-Action)
No comments:
Post a Comment