Cabugao, Ilocos Sur – Maang-angay ti 5-Day Training of Barangay Implementers on Promotion of Good Nutrition (Promote Good Nutrition Component) babaen ti panangesponsor ti National Nutrition Council-DOH a kapartnerna ti LGU-Cabugao.
Nagatendar dagiti Barangay Nutrition Scholars (BNS), Barangay Health Workers (BHW’s), 4 P’s Officers ken Committee on Nutrition ti Barangay Council iti 33 a barangay ti ili a Cabugao, Ilocos Sur.
Maikapaten nga aldaw ita nga Oktubre 17, 2013 ket nangrugi ti Seminar idi Oktubre 14, 2013. Nagsasaruno a nayadal dagiti kangrunaan a Modules a kas iti Pabasa sa Nutrisyon; Promotion of Eggs and Vegetables; Infant and Young Child Feeding (IYCF) ken naruay a workshop ken practical sessions a mangpabaknang iti kaammuan dagitoy a nagpartisipar.
Nagpaay a Lecturer da Mrs. Joenah G. Sevilleja, Municipal Nutrition Action Officer; Mrs. Macrina Saturno, Regional Awardee ken National Nominee iti Tay-ak ti Nutrition a programa ti National Government agingga iti Local Government Unit (LGU); kasta met iti pannakabagi ti Nutrition Council ti Region ken iti Provincial Office.
Iti inaldaw a panagseminar dagiti inna ken adda nailaok a maysa nga ama, naregta ken naalertoda a nagpartisipar ken napintas ti attendance dagiti nagatendar.
Dagitoy nga aksion ken inisiatiba ket gubuayen ti sistematiko ken naregget a programa ti Nutrision iti Gobierno Munisipal nga idauluan ni Mayor Edgardo “Ediboy” S. Cobangbang, Jr., ken iti akemna a Chairman, Municipal Nutrition Council Committee tapno makomplementaran ti programa ti Department of Health (DOH) ken ti DSWD a ka- partner ti LGU a mangipatungpal kadagitoy a programa a mangpasayaat ti salun-at dagiti umili ti Cabugao, Ilocos Sur. # (Web In-Action)
No comments:
Post a Comment