Cabugao, Ilocos Sur- Kalpasan a marsaak ti naimula a Hybrid Tomato iti Greenhouse ket maisagsagana manen a mamulaan dagiti pasilidad ti Greenhouse para iti Main Crop 2013-2014.
Imbatad ni Mr. Obas Bill Y. Baclig, Greenhouse Caretaker nga agdama nga isagsaganada ti mamulaan babaen iti pannakitinnulong ni Mrs. Ester P. Aguimbag, High Value Crop Development Program Coordinator (HVCDP) kadagiti agduduma a bukel ti nateng a maimula iti nadakamat a Greenhouse.
Innayon ni Mr. Baclig a manamnama a sumaysayaat ti pannakamula dagitoy a pagtuladan dagiti mannalon babaen iti agtultuloy a suporta ti OPAG-Ilocos Sur ken ti DA-RFU 1 a kangrunaan a kapartner ti LGU-Cabugao nga idauluan ni Mayor Edgardo “Ediboy” S. Cobangbang, Jr. iti pannakaited dagiti kasapulan nga inputs ken technical assistance para kadaytoy a programa ti panagmulaan ti nateng. # (Web In-Action)
No comments:
Post a Comment