Cabugao, Ilocos Sur- Agtultuloy a sumaysayaat ti transaksion iti nagbaetan dagiti koridor ken aggatang ti nuang ken baka iti Cabugao Dayo.
Iti pannakiuman ti Web-In Action idi Setiembre 28, 2013, imbatad ti kaaduan a nagpartisipar iti Dayo a puminpinats ti mapasamak a transaksion gapu iti kaadda dagiti koridor nga aggapu iti sabali nga ili a kaaduan ti gatgatangenda ket iti maparti kadagiti tiendaanda.
Agtultuloy latta met ti panangmonitor ken panangtarabay ni Dr. Melvin G. Castro, DVM, Municipal Livestock Coordinator a mangsupsupusop iti kaawan ni Mr. Dante Naval, Municipal Meat Inspector tapno mataginayon ti napintas nga Operasion ti Cabugao Dayo ken ti Municipal Slaughterhouse a pagtungpalan dagiti magatang nga animales.
Dagitoy nga aksion ken inisiatiba ket resulta ti sistematiko a pannakaiwardas ti Cabugao Dayo babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno agtultuloy latta a naprogreso iti sector ti livestock ditoy nga ili. # (Web In-Action)
No comments:
Post a Comment