Wednesday, October 2, 2013

NAGMITING DAGITI BNS ITA A BULAN

Cabugao, Ilocos Sur – Naangay ti Monthly Regular Meeting dagiti Barangay Nutrition Scholars (BNS) ti ili a Cabugao, Ilocos Sur iti Municipal Building idi Oktubre 1, 2013.

Mismo a ni Mrs. Joenah G. Sevilleja, AT, Municipal Nutrition Action Officer ti nangtarawidwid ti miting. Dagiti natratar  ken napagnanamingan:

1.Maangay ti 2nd Batch Training maipapan iti Promotes Good Nutrition (PGN) ken Infant and Young Child Feeding inton Nobiembre 11-15, 2013.

2.Pito a barangay ti agpartisipar ket saggapat ti agatendar a kamengna  ken umabot ti 28  a partisipantes ken 3 a Facilitators ti mangbukel ti Training. Dagiti barangay ket iti Brgy. Turod-Patac, Dardarat, Reppa-ac, Aragan, Pila ken Salomague.

3.Pannakaisubmiter ti 2012 OPT, ken ti  Barangay Nutrition Action Plan (BNAP). 

Naaramid ti workshop ket naisuro dagiti kabarbaro a BNS ti panag-fill upda  ti BNAP Forms.

Manamnama  a maasa ti kabaelan ti tunggal BNS iti pannakipartisiparda kadagiti kakastoy a mainaig a trabaho ken paglainganda  tapno epektiboda kadagiti lugar a pagserbianda.

Dagitoy nga aksion ken inisiatiba ket resulta ti sustenable a panangsuporta ti LGU-Cabugao nga idauluan ni Mayor Edgardo “Ediboy” S. Cobangbang, Jr.  tapno umagpang ti kabaelanda nga agserbi para  iti kabukbukodanda a barangay. # (Web In-Action)

No comments:

Post a Comment