Thursday, October 3, 2013

GULAYAN SA PAARALAN, 18 TI NAGRESPONDE

Cabugao, Ilocos Sur – Umabot ti 16 nga Elementray Schools  ken 2 a primary schools ti DepED Cabugao ti nagresponde iti panawagan ti DA-LGU para iti pannakaited ti libre nga assorted vegetables a mausar kadagiti garden-da a kasapulan iti pakontes ti Nutrision ken panagmulmula ti nateng iti DepED. 

Maibasar iti rekord ni Mrs. Joenah G. Sevilleja, Municipal Nutrition Action Officer, narugian a naiwaras dagiti bukel ti nateng idi Setiembre 4, 2013 ket naudi a naparuk-atan iti Setiembre 12, 2013.

Mismo a dagiti dadaulo ti nasao a pageskuelaan ti napan a mismo iti Munisipio a nagala kadagitoy a naipakete a bukel.
Manamnama a kumamakam a mapan mangala ti nabatbati pay a 10 a pageskuelaan tapno makompleto ti dagupda ken sapasap a mabenepisiaran dagiti pageskuelaan a pakaisagutan dagiti ubbing a kangrunaan nga aggarden.

Daytoy a tulong ti Munisipio ket paset ti panangipaganetgetna ti nasaknap a panagmula ti nateng kas katulongan a pagtaraon dagiti bumarangay. # (Web In-Action)

No comments:

Post a Comment