Cabugao, Ilocos Sur – Naaramid ti Family Development Session (FDS) dagiti kameng ti Pantawid Pamuilyang Pilipino Program (4 P’s) iti uppat a barangays: Quezon, Maradodon, Bonifacio ken Rizal ita nga Oktubre 7, 2013 iti Municipal Conference Building.
Naglektiur dagiti pannakabagi ti RN-Heals iti RHU-Cabugao ket naibinsabinsa dagiti rumsua a sakit a parnuayen ti water borne-diseases ita a bulan. Panggep ti naited nga adal iti pannakaipasagepsep kadagiti 4 P’s iti uppat a barangay iti pateg ti patinayon a panagdaldalus ken pananglapped ti sakit tapno napintas ti panagannayas ti biag ti pamilia.
Kangrunaan a tinamingda ket iti pakaseknan ti Salun-at (Health and Care) ket naipabus-oy kadagiti RN-Heals a naglektiur kadagiti 4 P’s iti nagmalem kadayta a petsa.
Dagitoy nga aksion ken inisiatiba ket resulta ti sistematiko ken nasaknap a pannakaipatungpal ti programa ti 4 P’s kadagiti barangay tapno masanayda a nasayaat ket sisasaganadanton nga umallawat iti nangatngato a tukad ti pagrebbengan kadagiti masanguanan a pagdur-asan ti programa. # (Web In-Action)
No comments:
Post a Comment