Cabugao, Ilocos Sur – Malaksid kadagiti gagangay a sagubanit dagiti agpapaagas iti Rural Health Unit (RHU)-Cabugao, kaaduanna met ita ti ag-pre natal check-up kadagiti masikog tapno maipasigurado ti napintas a kasasaadda iti panagpasngayda inton madanonan ti kabulananda. Manamnama nga iti nasayud a koordinasion dagiti masikog kadagiti agrebbeng iti RHU ket ma-update ti rekord-da a kasapulan dagiti Medical Personnel iti Lying-in Center.
Kanaig daytoy, inaldaw latta met iti pannakabakuna dagiti ubbing kadagiti mayataday a pangprebentar ti sakit. Dagitoy ket maik-ikkan ti importansia babaen iti agtultuloy a panangilungalong dagiti maseknan a Medical Personnel iti MHO-RHU Cabugao nga idauluan ni Dr. Bernardino M. De Gracia, OIC Municipal Health Officer, LGU-Cabugao kasta met iti biang ti Sangguniang Bayan nga imatonan itan ni Health Committee Chair SBM Dr. Jemaima S. Tan-Yee,
Daytoy nga inisiatiba ket resulta iti agtultuloy a koordinasion iti amin a maseknan nga Opisina iti pannakapasayaat ti salun-at iti amin nga umili babaen iti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment