Cabugao, Ilocos Sur – Kalpasan ti Flag Ceremony iti Abril 21, 2014, parte ti panagsaritana iti panangbigbig ni Mayor Edgardo “Ediboy” S. Cobangbang, Jr. iti kinatunos dagiti kameng ti Pamilia-LGU ken pakaibilangan dagiti kameng ti Municipal Disaster Risk Reduction Management Council (MDRRMC) a nangipatungpal iti pagrebbenganda kabayatan iti pannakaselebrar ti Semana Santa 2014 (Abril 13-20).
Kanaig daytoy, pinadayawan met ni Mayor Ediboy ti Kapolisan agraman dagiti kameng ti Bureau of Fire Safety (BFS)-Cabugao iti agtultuloy a pannakamantener ti linak ken talna kasta met iti agtultuloy a pannakaliklik iti uram a programa ti BFS kabayatan iti pannakaselebrar ti Semana Santa.
Kanaig daytoy, kinablaawan ni Mayor Ediboy dagiti Pangulo ti Departamento, Empleado ken Opisiales ti LGU Cabugao a mangipakpakita iti pannakibinnuligda iti Munisipio ken kadagiti nadumaduma a sektor a nangipatungpal iti akemda iti panagballigi dagiti napalabas a dadakkel nga aktibidad iti ili a Cabugao kas iti tinawen a panagpiesta ti ili, pannakaselebrar dagiti Holidays, 2014 Cabugao Global Grand Reunion ken ita a Semana Santa 2014. # (Web In-Action)
No comments:
Post a Comment