Thursday, April 10, 2014

FARMERS FIELD SCHOOL-CORN TI BACALL MPA, NAREGGET

Cabugao, Ilocos Sur – Naangay ti Farmer’s Field School-Corn Category ti BACALL MPA nga idauluan ni Mr. Dominador Reynold S. Sabio, Presidente idi Abril 8, 2014  iti Palay Shed ti Asosasion, Sitio Lusong Suyo, Brgy. Baclig, Cabugao, Ilocos Sur a nagatendaran dagiti Corn Farmers ti Barangay Baclig, pannakabagi ti DA-LGU Cabugao ken iti panagbisita dagiti pannakabagi ti Corn Banner Program-Regional Level  ti DA-RFO 1, San Fernando City, La Union nga indauluan ni Ms. Rhoda A. Galban, Regional Corn Report Officer.


Immuna a naaramid ti Yield Analysis ti apit dagiti Corn Farmers  kalpasan ti naaramid a Crop Cut Area (CCA). Imbatad ni Mr. Nereo S. Daproza, Program Supervisor ti FFS-Corn nga aramidenda ti nainget a panagamiris iti kasasaad ti ginumi ti yellow corn a naapitda  babaen iti usarenda a pormula ti datos tapno madeterminarda iti paggidiatan ken pagdurdur-asan dagiti nadumaduma a “Treatments”  nga inyaplikarda iti panagadal dagiti mannalon.

Kamalmanna, bimmisita ti grupo ni Ms. Rhoda A. Galban ti DA-RFO 1 ket nangiwayatda iti panagsaludsod kadagiti Opisiales ti BACALL MPA iti pakaseknan ti pagdurdur-asan ti programa iti panagpatanorda iti mais. Nairaman a napagsasaritaan ti pannnakagun-od ti Asosasion iti mausar  a Cornmill para iti Post-Harvest ken itinto makinaria a  Traktora para iti Land Preparation ti Crop Production Program a pagbuligan nga isaysayangkat ti DA-RFO 1, San Fernando City, La Union  ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno maingato ti matgedan dagiti mannalon ti mais babaen iti panangsagrapda ti kaipapanan dagiti kabaruanan a wagas ken Teknolohia iti panangprobitsar iti daytoy a Cash Crop. # (Web In-Action)

No comments:

Post a Comment