INTER-AGENCY BASKETBALL COMPETITION, MAANGAY MET

Cabugao, Ilocos Sur – Maangay  met ti Inter-agency Basketball Competition a pagsasalipan dagiti umaayam iti Mayor’s Team, Vice Mayor’s Team, Judiciary, Bureau of Fire and Protection Team, Municipal Police Station Team  ken iti LGU-Team. Nairugi ti ay-ayam idi malem ti Abril 21, 2014  iti Cabugao Cultural and Sports Complex, Brgy. Rizal, Cabugao, Ilocos Sur.

Daytoy a gannuat ti LGU-Cabugao ket maysa kadagiti aktibidad a maigiddan iti pannakaaramid  ti Cabugao Basketball Tournament kadagiti 33 a barangay ti ili a kas pangipakita  iti pateg ti partisipasion ti amin a sektor iti pannakairubuat dagiti aktibidad a mangparagsak/mangpangayed  iti panagpiesta ti ili ti Cabugao iti Abril 23-26, 2014. # (Web In-Action)