Cabugao, Ilocos Sur –Narugian a naaramid ti Slope Protection ti pangpang ti Brgy. Quezon Creek, Brgy.Quezon, Cabugao, Ilocos Sur.
Daytoy a proyekto ti Gobierno Munisipal ket nagtaud iti Calamity Fund ti Munisipio, segun ken ni Municipal Engineer Crescencio C. Formoso.
Iti pannakairingpas daytoy a proyekto ket natartarus ti ayus ti danum no panawen ti tudtudo ken maliklikan ti panagkurukor ti daga iti bakrang ti waig.
Sakbayna, naigannuat ti pannaka-dredge (pannakakurob) ti lansad ti waig babaen iti Back Hoe ti Munisipio.
Pinagyamanan ni Brgy. Captain Nida Somera Braceros ti tulong ti LGU-Cabugao iti pannakaasikaso dagiti waig iti masakupanna. Iti pannakaaramid ti slope protection ket pimmintas ti buya ti waig a kanaig iti agtultuloy a programa ti Barangay a panagdaldalus iti Creek. # (Web In-Action)
No comments:
Post a Comment