Friday, April 11, 2014

4-H CLUB ACHIEVEMENT DAY, NAANGAY

Cabugao, Ilocos Sur – Sinelebraran  ti Cabugao Federated 4-H Club ti “Cabugao 4-H Club Achievement Day” idi Marso 29, 2014 iti Municipal Conference Building, Cabugao, Ilocos Sur babaen iti panagtitipon dagiti Opisiales/Kameng ti 4-H Club iti nadumaduma a barangay ti ili a Cabugao, Ilocos Sur.

Daytoy a programa ket parte ti Action Plan ti 4-H Club a mangaramid kadagiti aktibidad a mangpapigsa ti panagkakaduada nga  agtutubo babaen iti naangay a pakontes iti Handicraft, Spot Canvass Painting, Extemporaneous Speaking, OPM Vocal Solo, Quiz Bee ken Banana Processing, Packaging and Labelling.

Nagpaay a Hurado da Kevin Somera, Rharea Sevilleja, Dario Roy Siruno ken ni Hazel Princess Palacay ken timmulong met dagiti pannakabagi ti DA-LGU Cabugao nga isuda Ester Aguimbag, Joenah G. Sevilleja ken Nathaniel Galamgam.

Inaramid met ni Obas Bill Y. Baclig, 4-H Coordinator ti Orientation to the Contestants/Reading the Criteria and Guidelines of Judging. Binagi met ni Joenah G. Sevilleja iti Presentation of Participants/Contestants ken inyam-ammona dagiti Board of Judges.

Nagsarita met ni Municipal Agriculturist Zenaida S. Andrada ti DA-LGU Cabugao. Pinabilegna dagiti agtutubo nga aggaggagetda a mangipatungpal kadagiti panangi kalikagum ti LGU-Cabugao a mangpasayaat iti kasasaadda a kas naresponsable nga umili. # (Web In-Action)

No comments:

Post a Comment