Cabugao, Ilocos Sur – Naangay ti miting dagiti kameng ti Cabugao Federated Farmer’s Association idi Abril 7, 2014 iti Municipal Conference Hall, Municipal Building, Cabugao, Ilocos Sur.
Indauluan ni Mr. Elmer G. Bromeo, Federated President dagiti nagmiting a Presidente ket timmulong dagiti DA-LGU Personnel babaen kada Mr. Nathaniel B. Galamgam, Farmers’ Association Coordinator, Mrs. Joenah G. Sevilleja, AT, ken ni Mr. Kevin S. Somera iti Office of the Mayor a nangtratar kadagiti Agenda iti nasao a miting. Dagiti natratar ken napagkaykaysaan:
1.Panagsagana ken partisipasion dagiti asosasion ti mannalon iti umuna nga aldaw (Abril 23) ti Ragsak Cabugao Festival 2014. Daytoy nga aldaw ket masasao nga “Agriculture and Fishery Day” ken Parada pay dagiti dinguen iti Tema: “Badwam Dinguen” ken pannakaiparang dagiti nadumaduma a produkto dagiti mannalon ken mangngalap.
Kalpasan ti pannakaited ti pamanunotan ti tunggal pangulo ti Asosasion ket dagiti sumaganad ti pinal a nakabuklan ti napagtutulaganda:
A.Tunggal Asosasion ket maaddaan ti Float (Kuliglig) ken mangkarga ti mabaduan a kalding (babai ken lalaki) ket maibasar dagiti mapili a mangabak iti Best in Costume, PINAKA-KALDING, Best in Float ken Most Romantic. Maaddaan ti premio dagiti mangabak: 1st – P5,000; 2nd – P4,000; ken 3rd – P3,000 ken napagnunumuan nga adda Consolation Prize a P1,000 ti tunggal makipartisipar nga Asosasion.
B.Malaksid iti Parada a pagpartisiparan ti amin nga Asosasion, maluktan pay ti Trade Fair; maaramid ti pannakaiparang ti OBOP (One Barangay, One Product).
Maaramid iti malem ti Abril 23 iti Sportsfest dagiti agtutubo ken 4-H Club ken maaramid met ti “Rabii ti Pammadayaw” iti dayta a petsa ket mairaman ti Mass Oath-taking dagiti Opisiales ti Asosasion, Cultural Presentation (CCT) ken Awarding of Prizes kadagiti mangabak.
Nakitinnulong da Vice Mayor DJ Savellano ken ni ABC President, Brgy. Captain Thaddeus U. Soller a nakipagtaming tapno maaramid ti naragsak ken makaawis kadagiti agbuya ti maaramid a Parada ken aktibidad dagiti mannalon ken mangngalap iti dayta nga nga umuna nga aldaw (Opening Salvo) ti Piesta ti ili a Cabugao. # (Web In-Action)
No comments:
Post a Comment