Cabugao, Ilocos Sur – Natalna ken nasolemnidad ti panangselebrar dagiti umili ti Cabugao, Ilocos Sur iti Semana Santa (Abril 13-19, 2014). Daytoy ti nangital-o ti karirikna dagiti umili ken bakasionista iti kangitingitan dagitoy a “Nangina nga Aldaw” tapno maipasnekda ti agselebrar iti sidong ti pamilia, gagayyem ken kakabagianda.
Naaramid ti Estasion Heneral idi malem ti Martes Santo idinto ta naaramid ti libut iti malem ti Biernes Santo babaen kadagiti Parishioners ti Iglesia Romano Katolika ken ti Iglesia Filipina Independiente (IFI) iti aglikmut ti Poblasion. Malaksid itoy, naruay pay dagiti naaramid a Ritual ti Simbaan nga insayangkat dagiti Deboto iti nadumaduma a Sekta/Simbaan iti kaaldawan ti Mierkoles ken Huebes Santo.
Iti unos dagiti aldaw a masakupan ti Semana Santa, nagtultuloy a natalna ti kasasaad dagiti umili ken naannayas ti turong ti trapiko iti amin a direksion a pagaaduan ti tao: iti Simbaan, Kalsada Nasional, Beach/Resort ken idiay Tiendaan.
Kanaig daytoy, iti pannaki-amad ti Web In-Action, imbatad ti Cabugao Municipal Police Station a naballigi ti pannakaipakat ti Summer Vacation (SUMVAC) ken iti akem ti Tourist Assistance Center ti Kapolisan iti Munisipalidad. (Web Situational Report)
No comments:
Post a Comment