1ST DAY TI FIESTA “ALDAW TI MANNALON KEN MANGNGALAP”, NARAMBAK!

Cabugao, Ilocos Sur – Narambakan ti Agriculture and Fishery Day kas pakauna  nga aldaw ti 2015 Ragsak Cabugao Festival iti Abril 21, 2015  iti panagpiesta ti ili a Cabugao, Ilocos Sur iti Abril 21-26, 2015.

Immuna a naaramid ti Parada iti aglikmut ti Poblasion a nangrugi iti Cabugao South Central School (Freedom Park) ken nagtungpal iti Cabugao Central Park (CCP), Brgy. Bonifacio, Cabugao, Ilocos Sur.

CLICK HERE TO VIEW MORE PHOTOS

Iti Parada, immuna ti Mobile Patrol Car ti Municipal Police Station-Cabugao sa simmaruno   dagiti Opisiales ti LGU Cabugao nga indauluan ni Mayor Edgardo “Ediboy” S. Cobangbang, Jr. ken ni Vice Mayor Deogracias Jose Victorino H. Savellano agraman dagiti Konsehales ti ili. 

Simmaganad  ti grupo dagiti Opisiales ti Pederasion ti Farmers,    Fishermen, RIC, 4-H Club ken dadduma pay a Federated Organization nga adda iti salinong ti Agriculture Sector. 

Simmaruno  dagiti 33 a barangays a nakabuklan dagiti kameng ti Barangay Council, Farmer’s Group, RIC, 4-H Club, Cooperatives ken dadduma pay a Barangay-based Organizations.  

Nakikaysa met dagiti Marching Band dagiti pageskuelaan ti ili a  Cabugao. Naurnos  ti trapiko babaen iti panangiwardas dagiti Polis ken Public Safety Officer nga idauluan ni Cabugao Chief of Police PCI William N. Nerona.

CLICK HERE TO VIEW MORE PHOTOS

Iti rugi ti programa, panglukat a panagsarita ti inakem ni SBM Benedicto M. Savellano, Committee Chair on Agriculture, Fisheries and Cooperatives. Kimmablaaw ken nagyaman iti naruay a nakiparada ken dagiti sektor nga adda iti salinong ti Agrikultura. 

Naaramid ti pannakalukat ti Trade Fair babaen iti pananggetteng ti ribbon da Mayor Ediboy ken ni Ms. Rosario Charito Qoudala, DTI Representative iti imatang dagiti umili, Opisiales ti Ili ken iti Barangay. Ditoy a  maidispley ti “One Barangay One Product” ken partisipasion ti  dadduma pay nga Exhibitors.

Nangipaay ni Ms. Rosario Charito Qoudala ti Mensahe. Kimmablaaw ken nagyaman iti napintas a panagdanggay ti LGU-Cabugao  ken ti DTI a mangipromot iti programa ti Ahensia babaen kadagitoy a maar-aramid a showcase ti produkto iti tunggal panagpiesta ti ili.

CLICK HERE TO VIEW MORE PHOTOS

Nangipaay ti Mensahe ni Mayor Edgardo “Ediboy” S. Cobangbang, Jr. iti panaglukat ti umuna nga aldaw ti Piesta. Kinablaawan ni Mayor Ediboy ti sapasap nga umili ti Cabugao iti panangrugi ti piesta ti ili a napnuan panangsarabo dagiti umili gapu iti kaadu ti nakiparada.

Impeksa ti Ama ti Ili iti nalaus a ragsakna ket kitkitaenda met no kasano a maisagutan iti Gobierno Munisipal gapu kadagiti napintas nga ipakpakita dagiti kaaduan daytoy a sektor tapno naan-anay a naballigi ken naragsak iti naituding nga aldawda aiti piesta.

Dinakamat pay ni Mayor Ediboy iti pangablaaw nga impagteng da Governor Ryan Luis V. Singson, Vice Governor DV Savellano ken ni Congressman Ronald V. Singson kadagiti umili ta saan nga agsarday ti panangdungngoda kadagiti umili ti Cabugao. 

CLICK HERE TO VIEW MORE PHOTOS

Inulit ni Mayor Ediboy ti panagyamanna ken ni Gobernador   Ryan  ta nakagasgasat ti ili a Cabugao iti maisagutda a mangparagsak  kadagiti mannalon ken dadduma a sektor-agrikultura iti umuna a rabii ti piesta.

Daytoy a nagasat ken naragsak a rugi ti Cabugao Ragsak Festival 2015 ket agtultuloy koma a kupikopan ti sapasap agingga nga agleppas ti Piesta, segun pay iti Ama ti Ili. Pinagyamananna met dagiti amin nga adda akemna iti pannakaisagana dagiti mabuya ken aktibidad kadaytoy nga umuna nga aldaw ti panagpiesta ti ili kasta metten iti Konseho Munisipal nga idauluan ni Vice Mayor DJ Savellano.

Naaramid ti pannakai-Award ti 32  a Titulo babaen iti “Handog Titulo Program”  a nagbuligan ti DENR Region 1 ken ti LGU-Cabugao para iti programa ti libre a panagpatitulo ti daga (agriculture ken residential). Binayabay ni Vice Mayor DJ agraman dagiti Konsehales ti ili ken ti pannakabagi ti DENR ni  Mayor Ediboy iti pannakaited ti Titulo iti Benepisiario babaen iti ceremonial awarding.

Naisaganad ti Marching band Competition with Showdown.

Napnuan ragsak dagiti nakiparada/nakipartisipar a nangsango kadagiti dadduma pay a pagrebbengan/aramidenda iti panagtultuloy ti mabuya iti dayta nga umuna nga aldaw ti Piesta.  # (Web In-Action) 

CLICK HERE TO VIEW MORE PHOTOS