Cabugao, Ilocos Sur – Naangay ti Distribution ti Member Data Record (MDR) dagiti Benepisiario ti Philhealth (DOH Sponsored) a naaramid iti Cabugao Cultural and Sports Complex, Brgy. Rizal, Cabugao, Ilocos Sur iti Abril 22, 2015 a kas maysa nga aktibidad a mangkulminar iti “Health and Social Services Day” iti dayta a petsa iti panagpiesta ti ili a Cabugao.
Nasapa a dimteng dagiti Philhealth Beneficiaries a naggapu iti nadumaduma a barangay ket tinarabay dagiti pannakabagi ti MSWDO-Cabugao, Medical Personnel ti RHU-Cabugao a nangtarawidwid iti Member Data Record (MDR) Distribution kadagiti Philhealth Beneficiaries ti ili a Cabugao nga umabot iti 5,000 a Beneficiaries.
Nakikaysa ken nagsarita ni Mayor Edgardo “Ediboy” S. Cobangbang, Jr. Kinablaawanna ti amin a naitaripnong ket inapresiarna ti ar-aramiden dagiti pannakabagi dagiti Partner-Agencies ti LGU-Cabugao a kas iti DOH ken ti DSWD ket kunana a nakagasgasat dagiti umili ti Cabugao ta maikkanda manen iti gundaway a maipabaro ti pannakausarda ti Philhealth-da ita a Tawen 2015.
Ingunamgunam ti Alkalde Munisipal a taginayonenda koma nga ipateg dagiti Philhealth Beneficiaries dagiti naipaay kadakuada a pagsayaatan. Pinagyamananna dagiti Opisiales ti DOH (Regional ken Provincial) ken iti Philhealth ken dagiti kameng ti Sangguniang Bayan ti ili nga isuda SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; SBM Josefina S. Vallejo ken ni SBM Atty. Bryann Jett S. Pano, Committee Chair on Social Services a nakikaysa kadaytoy a distribution activity iti complex. # (Web In-Action)
No comments:
Post a Comment