Cabugao, Ilocos Sur – Iti pannaki-amad ti Web In-Action iti Abril 21, 2015, imbatad dagiti Coaches a naballigi a nalpas ti Semi-finals ti maang-angay a Cabugao Basketball Tournament 2015 a nagsalipan dagiti uppat a Team a nakaigasat para iti Magic 4 nga isuda ti Brgy. Bonifacio, Brgy. Rizal, Brgy. Namruangan ken Brgy. Salapasap. Dagiti Top 2 Winners ket isuda ti agsalisal iti kinakampeonato.
Iti panagrikus ti salisal, inyalat ti Brgy. Rizal ken ti Brgy. Namruangan ti Top 2 Winners!
Kas iti gagangay, innayon dagiti napagdamagan a naregget dagiti Basketball Cheerers ken Sympathizers, agindeg kadagita a barangay agraman dagiti Opisiales dagiti barangayda a mangtartarabay/mangsursurot kadagiti Players-da nga agensayo ken makibalubal iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a sinnalip gapu iti naipakpakauna a pannakaannurot ti sportsmanship ken disiplina iti tunggal Player para iti daytoy a kangrunaan a summer sport. # (Web Situational Report)
No comments:
Post a Comment