Cabugao, Ilocos Sur –Agtultuloy dagiti ag-pre natal check-up a masikog iti Rural Health Unit (RHU) tapno maipasigurado ti napintas a kasasaadda iti panagpasngayda. Manamnama nga iti nasayud a pannakataming dagiti masikog kadagiti agrebbeng iti RHU ket ma-update ti rekord-da a kasapulan dagiti Medical Personnel iti Lying-in Center.
Kanaig daytoy, inaldaw latta met iti pannakabakuna dagiti ubbing kadagiti mayataday a pangprebentar ti sakit. Dagitoy ket maik-ikkan ti importansia babaen iti agtultuloy a panangilungalong dagiti maseknan a Medical Personnel iti MHO-RHU Cabugao nga idauluan ni Dr. Bernardino P. De Gracia, Municipal Health Officer, LGU-Cabugao kasta metten iti biang ti Sangguniang Bayan nga ibagian ni Health Committee Chair, SBM Atty. Bryann Jett S. Pano.
Daytoy nga inisiatiba ket resulta iti agtultuloy a koordinasion iti amin a maseknan nga Opisina iti pannakapasayaat ti salun-at iti amin nga umili nga agpaagas babaen iti tarabay ti Gobierno Munisipal nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment