Cabugao, Ilocos Sur – Iti pannaki-amad ti Web In-Action iti Abril 20, 2015, imbatad dagiti Coaches a naballigi a nalpas ti Quarterfinals a nagsalipan ti Magic 12 a Team (Bracket A ken Bracket B) a naakaarisitan ti uppat a Team (sagdudua ti kada bracket) a sumrek iti Semi-Finals.
Dagiti uppat a Team a nakaigasat para iti Magic 4 ket iti Brgy. Bonifacio, Brgy. Rizal, Brgy. Namruangan ken Brgy. Salapasap. Nangrugi manen ti rikus ti laban (round rovin) para iti best of three ket ti Top 2 Winners ket isudanto ti agsalisal iti kinakampeonato.
Kas iti gagangay, innayon dagiti napagdamagan a naregget dagiti Basketball Cheerers ken Sympathizers, agindeg kadagita a barangay agraman dagiti Opisiales dagiti barangayda a mangtartarabay/mangsursurot kadagiti Players-da nga agensayo ken makibalubal iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a sinnalip gapu iti naipakpakauna a pannakaannurot ti sportsmanship ken disiplina iti tunggal Player para iti daytoy a kangrunaan a summer sport. # (Web Situational Report)
No comments:
Post a Comment