Cabugao, Ilocos Sur – Iti pannaki-amad ti Web In-Action iti Abril 22, 2015, imbatad dagiti Coaches a naballigi a nalpas ti Semi-finals ti maang-angay a 2015 Cabugao Basketball Tournament ket dagiti Top 2 Contenders a Team a nabatbati ket isuda ti madama nga agsalisal iti kinakampeonato (Best of Three).
Manamnama nga iti kabiitan ket maammuanton iti “Kampeon” iti 2015 Cabugao Basketball Tournament a maysa kadagiti nangpangayed iti panagrambak dagiti umili iti pannakaselebrar ti Piesta.
Kas iti gagangay, innayon dagiti napagdamagan a naregget dagiti Basketball Cheerers ken Sympathizers nga agindeg kadagita a barangay a mangtartarabay/mangsursurot kadagiti Players-da a makibalubal iti basketball iti Cabugao Cultural and Sports Complex a pakaang-angayan dagiti naka-schedule a Game.
Segun iti kaaduan a mapan agbuybuya, imbatadda nga agtultuloy a naurnos ken natalna iti mapaspasamak a sinnalip gapu iti naipakpakauna a pannakaannurot ti sportsmanship ken disiplina iti tunggal Player para iti daytoy a kangrunaan a summer sport. # (Web Situational Report)
No comments:
Post a Comment