Thursday, April 16, 2015

COCONUT SEEDLINGS NGA INTED TI PCA DITOY CABUGAO, MA-UPDATE

Cabugao, Ilocos Sur – Simmarungkar ni Ms. Cristy L. De Castro,  Coconut Development Officer ti PCA Provincial Office, Sto. Domingo, Ilocos Sur iti Opisina ti DA-LGU Cabugao iti Abril 16, 2015  tapno kainnumanna ni Acting Municipal Agriculturist Mr. Robert S. Savella, AT, ken agdama a Municipal Nursery Coordinator maipapan kadagiti naited a Coconut Seedlings iti LGU—Cabugao idi Tawen 2013 tapno ma-update iti mortality rate dagitoy a naipamula a niog kadagiti barbarangay iti nadakamat nga ili.

Kanaig daytoy, ni MENRO Edgar S. Balangatan, AT, ti napusgan idi a nagidaulo iti pannakaiwaras kadagitoy a Coconut Seedlings ken mangkita iti pannakaimulada  ditoy ili a Cabugao, Ilocos Sur.

Kabayatanna, impakaammo  ti pannakabagi ti PCA nga adda maited a pagganagan kadagitoy a naipamula a  coconut seedlings ken kayatda a makasarita dagiti nagmula nga umili tapno mairamanda iti maar-aramid a Masterlist iti Coconut Farmers iti PCA.

Dagiti pannakabagi ti grupo ti PCA ket idauluan da  Mr. Franklin V. Cabay ken ni Ms. Cristy L. De Castro, agpada a  Coconut Development Officer ti PCA Provincial Office, Sto. Domingo, Ilocos Sur.

Ti PCA Provincial Office ket idauluan met ni Mr. Francisco C. De Belen, Jr, OIC Provincial Coconut Development Manager.  

Kanaig daytoy, adda met Coconut Seedlings a naipamula  kadagiti Coastal Barangay kas iti Barangay Dardarat; Barangay Salomague; Barangay Sabang; Barangay Daclapan; Brgy. Pug-os; Barangay Namruangan ken Barangay Marga-ay.

Segun ken ni MENRO Edgar S. Balangatan, AT, a dagitoy a disso a pagmulaanda  ti niog ket nakategoria a Tourism Area ken Daklisan Area. 

Dagiti mangipatungpal ken mabenepisiaran kadaytoy a gannuat ket dagiti Lumugar, Barangay Council, NGO’s, Fishermen, 4 P’s, Farmers ken dagiti RIC Members, segun pay  ken ni MENRO Balangatan. 

Dagitoy a Seedlings ket impaay ni Governor Ryan Luis V. Singson iti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno   pangsustener iti programa ti TAGIBIKA Program iti Munisipalidad ti  Cabugao, Ilocos Sur. # (Web In-Action)

No comments:

Post a Comment