Cabugao, Ilocos Sur – Naangay ti maikadua a bansada ti 2-Day Seminar-Workshop: Orientation on Kalahatan Pangkalusugan (KP) kadagiti kameng ti Barangay Nutrition Scholars (BNS’s); Barangay Health Workers (BHW’s); ken dagiti Parent-Leaders ti 4 P’s a naggapu iti Coastal Barangays ti ili a Cabugao, Ilocos Sur idi Abril 8-9, 2015 iti Municipal Conference Building, Cabugao, Ilocos Sur.
Naglektiur da Ms. Beverly Ramos, DOH Representative ti ili a Cabugao ken ni Mrs. Janet Sison, Public Health Nurse ti RHU-Cabugao maipapan iti agdama a kasasaad dagiti Community Health Team (CHT’s) kadagiti barangay a buklen dagiti nagseminar, Committee Chair on Health ti Konseho ti Barangay ken dagiti RN-Heals Nurses a mangtartarabay kadakuada.
Nakitinnulong met a naglektiur dagiti Staff ti Provincial Health Office.
Nangibinglay met ti pammalagip ken adal ni Dr. Bernardino P. De Gracia III, Municipal Health Officer.
Kangrunaan a panggep ti seminar iti pannakaited dagiti baro nga adal ken pakaseknan dagiti akem dagiti kameng ti CHT iti tapno adda pamalpalatpatanda kadagitoy a nayon ti pagrebbenganda iti panagserbisioda iti sapasap ken iti kabarangayanda.
Innayon ni Mrs. Sison a panggep pay ti panagadal iti pannakaiwanwan kadagiti CHT Members iti sistematiko a panangtarawidwidda kadagiti kabarangayanda. Iti agdama, buklen ti 20 a Pamilia iti umisu a sakupen ti maysa a kameng ti CHT iti trabahoda.
Nangted ni Mayor Edgardo “Ediboy” S. Cobangbang, Jr. iti Mensahena iti umuna nga aldaw ti seminar ket kimmablaaw ken nagyaman iti partisipasion dagiti mangbukbukel iti Community Health Team (CHT’s) kadagiti barangay iti panangallawatda kadagiti baro nga annuroten para iti pannakaipatungpal kadagiti pagrebbenganda iti barangayda. Binigbig ti Ama ti ili dagitoy a sakripisio ken an-anus ken panagserbisio dagitoy a pannakaramay ti Munisipio iti pannakaitandudo ti sektor-salun-at kadagiti barangay. Imbinsana pay dagiti pangkomplementar kadagiti gapuanan ken serbisio nga it-itden dagiti CHT’s kasta metten kadagiti pannakabagi ti Provincial Health Office ken iti DOH para iti agtultuloy a pagsayaatan ti salun-at dagiti umili iti Cabugao, Ilocos Sur. # (Web In-Action)
No comments:
Post a Comment