Cabugao, Ilocos Sur – Iti pannakiuman ti Web In-Action ken ni Mr. Nathaniel Galamgam, AT, Federated Association Coordinator ti LGU-Cabugao, addan 35 a bilang dagiti Asosasion a mangbukbukkel iti Federated Farmers Associations ti ili a Cabugao.
Idauluan ni Mr. Elmer G. Bromeo, Federated President dagiti Akreditado a bilang ti Asosasion iti LGU-Cabugao idinto ta 3 met dagiti dadakkel nga asosasion nga idauluan ti Cabugao Vegetable Growers and Producers Association ken ti Cabugao Mango Growers Association a pumada met laeng iti panggepna a mangpasayaat ti kabibiag dagiti kameng ken iti ilida.
Innayon ni Mr. Galamgam a paset ti pannakapatibker dagiti asosasion iti pannakatarabayda iti panagmitingda; panagatendarda iti maaramid a seminar ken kanaigna nga aktibidades a mangpasayaat ti kasasaad ti gungloda.
Insupusop pay ni Mr. Galamgam a naka-intact dagiti Financial Statement-da ket mailepleppas dagiti kasapulan a papeles iti BIR para iti pannakaalada iti Opisial a Resiboda.
Agsipud ta tartarabayen ida ti Gobierno Munisipal dagitoy nga asosasion ket up-to-date met iti reporting-da iti DOLE ken iti Securities and Exchange Commission (SEC). # (Web In-Action)
No comments:
Post a Comment