Cabugao, Ilocos Sur – Naaramid ti Fun Walk and Hataw a tinampokan dagiti Asosasion ti Federated Senior Citizens of Cabugao nga idauluan da Mr. Bonifacio Somera, Presidente ken ni OSCA Head Remigio B. Sunico. Kasta metten a timmarabay dagiti Personnel and Staff ti MSWDO - 4 P’s Municipal Operation’s Office (MOO) nga idauluan ni MSWD Officer Mrs. Lydia S. Gazmen ken kasta met dagiti 4 P’s (Pantawid Pamilyang Pilipino Program) Beneficiaries kadagiti barangay, Barangay Nutrition Scholars, Barangay Health Workers (BHW’s) ken dadduma pay a sektor a masakupan ti Health and Social Services nga imatonan ni SBM Atty. Bryann Jett S. Pano, Committee Chair on Social Services ti Sangguniang Bayan ti ili a Cabugao.
Bimmayabay met dagiti kameng ti Konseho Munisipal iti nasao nga aktibidad nga isuda SBM Dr. Jemaima S. Tan-Yee; SBM Vicky S. Serna; SBM Jayhan Alcid-Tan; ken ni SBM Josefina S. Vallejo.
Naaramid ti “Pannagna” iti agsapa (5:30am) ti Abril 22, 2015 a nangrugi ken nagtungpal met laeng iti Cabugao Cultural and Sports Complex, Brgy. Rizal, Cabugao, Ilocos Sur.
Timmarabay met ti Mobile Police Jeep ken ti Kapolisan, 2 nga Ambulansia ti RHU-Cabugao, ken ti First-Aid Team ti RHU-Cabugao iti nadakamat a Fun Walk.
Kalpasan ti panagarmusarda, naaramid ti “Hataw” iti uneg ti Complex a nagpartisiparan dagiti amin a babbai a nakipaset iti Fun Walk.
Kabayatanna, naangay met ti Medical Check-up para iti sapasap babaen kadagiti Medical Personnel ti RHU-Cabugao ken dagiti RN-Heals Nurses nga idauluan ni Mrs. Janet Sison, Public Health Nurse.
Naaramid pay ti Distribution ti Member Data Record (MDR)-National Sponsored ti Philhealth kadagiti maseknan nga umili a naibasar iti census ti National Household Targeting System. Ti Health and Social Services Day ket maikadua nga aldaw a panangrambak ti 2015 Cabugao Ragsak Festival (Abril 21-26). # (Web In-Action)
No comments:
Post a Comment