Cabugao, Ilocos Sur – Maitultuloy latta ti Rabies Vaccination of Household Pets dagiti umili iti Munisipalidad ti Cabugao babaen iti DA-LGU nga imatonan ni Mr. Robert S. Savella, Acting Municipal Agriculturist. Ti B nner Program nga agtartarabaho ditoy ket idauluan ni Dr. Melvyn G. Castro, DVM, Municipal Livestock Coordinator ket kangrunaan a panananda ket dagiti 33 a barangay idinto ta dagiti adda iti asideg ket mabalinda latta metten nga idanon iti disso a mapagtulagan a pagbakunaanda.
Nangrugi ti nasaknap a trabahoda idi Marso 2015. Sakbayna, naited iti LGU Cabugao dagiti kasapulan nga (Anti-Rabies Vaccine) para iti Livestock manipud iti Provincial Veterinary Office, Vigan City kas paset ti “
Animal Care Program” ti Gobierno Probinsial nga idauluan ni Gov. Ryan Luis V. Singson ken iti LGU-Cabugao nga idauluan ni Mayor Edgardo “Ediboy” S. Cobangbang, Jr.
Imbatad ni Dr. Castro a nasamay a wagas tapno mawanasda dagiti ayup a bakunaan ket iti pannaka-organisar iti sangapulo nga addaan ti taraken a di pay nabakunaan iti maysa a disso ket ditoy ti turongen da Dr. Castro a pagbakunaan.
Kabayatanna, maibatay iti rekord ti RHU-Cabugao, manmano ti rekord ti agpapaagas iti kinagat ti aso wenno kita ti domesticated animals maigapu iti nasaknap nga anti-rabies vaccination a mangprebentar iti panagranggas dagiti nakakagat nga animales.
Dagitoy nga aksion ken inisiatiba ket resulta iti agtultuloy a programa ti Animal Care ti Gobierno Munisipal tapno matulongan iti kasasaad dagiti umili ken maprebentaranda a makapet iti sakit a rabies. # (Web In-Action)
No comments:
Post a Comment