Cabugao, Ilocos Sur – Naaramid ti Grand Finals ti “Laing ti Talugading, Show Me, What You’ve Got”, programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. a maysa kadagiti naisangayan nga aktibidad a nangkulminar iti panagpiesta ti ili (Ragsak Cabugao Festival 2015) iti karabiyan ti Abril 22, 2015 babaen iti panagsasalisal ti 12 a kangrunaan a nangabak iti uppat a Sabado a pannakaigannuat ti pakontes a nangrugi idi Marso 7 a nagpatingga iti Marso 28, 2015 iti Cabugao Central Park (CCP). Malaksid a pangpangayed iti panagpiesta ti ili ket panggepna pay iti mangtakuat/mangmuli kadagiti talento/kabaelan iti benneg dagiti umili iti Cabugao, Ilocos Sur tapno pakairanudanda dagitoy.
 |
| CLICK HERE TO VIEW MORE PHOTOS |
Naaramid ti Grand Finals iti CCP Stage a no sadino a ditoy ket nagbuyaan ti adu nga umili gapu iti napnuan gagarda a mangammo iti kalalaingan kadagitoy a nagsasalip.
Iti Grand Finals ti “Laing ti Talugading”, nagpaay a Program Hosts da Ms. Odette V. Somera ken ni Mr. Dharen Jake R. Garcia, agpada a mangisursuro ken buklen dagiti nagpaay a Hurado dagiti maresrespeto iti kabaelanda iti kastoy a tay-ak ti paglaingan nga indauluan ni Mr. Bruce Lee Paragas. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment