Tuesday, April 14, 2015

RISIRIS ITI MAGIC 12 ITI BASKETBALL TOURNAMENT


Cabugao, Ilocos Sur – Iti pannaki-amad ti Web In-Action idi Abril 14, 2015,  imbatad dagiti Coaches   a naballigi a nalpas ti Elimination Round babaen iti Round Rovin  kadagiti nagsasalip a Team iti Cabugao Basketball Tournament. Maar-aramid ita ti Quarterfinals a pagsalipan ti Magic 12 a Team sakbay ti Semi-Finals a paglalabanan ti uppat a maarisit a Team a sumrek iti Best of Three.

Buklen ti  2  a Bracket dagiti Team. Team A:  Brgy. Quezon, Turod, Bonifacio, Namruangan, Sagayaden ken Salomague; Team B:  Brgy. Salapasap, Catucdaan, Arnap, Rizal, Dardarat ken Marga-ay.

Kas iti gagangay, innayon dagiti napagdamagan a naregget latta dagiti Basketball Cheerers ken Sympathizers, agindeg kadayta a barangay agraman dagiti Opisiales dagiti barangayda a mangtartarabay/mangsursurot kadagiti Players-da nga agensayo ken makidangadang iti basketball iti Cabugao Cultural and Sports Complex a pakaang-angayan dagiti naka-schedule a Games iti minalem.

Segun iti kaaduan a mapan agbuybuya,  imbatadda nga agtultuloy a naurnos ken natalna iti mapaspasamak a sinnalip gapu iti naipakpakauna a pannakaannurot  ti sportsmanship ken disiplina iti tunggal Player  para iti daytoy a kangrunaan a summer sport.   # (Web Situational Report)

No comments:

Post a Comment