Friday, April 10, 2015

7 RECIPIENTS, NAKAAWATDA ITI EXTENDED AICS

Cabugao, Ilocos Sur – Naipaayan manen   ti  Extended Aid to Individual in Crisis Situation (Ex-AICS) a programa ti DSWD-Region 1 a pakikammayetan ti LGU-Cabugao nga idauluan ni Mayor Edgardo “Ediboy” S. Cobangbang, Jr. para iti  7  a maseknan nga umili  nga agnanaed iti nadumaduma   a barangay ti ili a Cabugao, Ilocos Sur idi Abril 7, 2015. 


Naaramid ti turn-over dagitoy a tulong babaen kada MSWD Officer Mrs. Lydia S. Gazmen ken ni SBM Benedicto M. Savellano a nangirepresentar iti Municipal Chief Executive kadagiti maseknan a recipients    iti nadakamat a petsa iti  Mayor’s Office  karaman iti pannakabagi ti DSWD Region 1.

Dagitoy a naited a tulong   ket maaramatda iti nagduduma a pagkasapulan ken nakaawatda a maigapu iti kinakurapay a maibasar iti National Household Targeting System nga inwayat ti DSWD iti napalabas a Tawen. # (Web In-Action)

No comments:

Post a Comment