Cabugao, Ilocos Sur – Naaramid ti pannakaiturn-over dagiti Farm Implements ken dadduma a proyekto a nagun-od ti LGU-Cabugao nga idauluan ni Mayor Edgardo “Ediboy” S. Cobangbang, Jr. manipud iti Department of Labor and Employment (DOLE)-Ilocos Sur nga idauluan ni Mr. Emmanuel H. Hagad, Chief, Head – DOLE –ISFO; BUB ken PCA a para kadagiti mannalon nga isuda dagiti kameng ti Cabugao Vegetable Producers and Traders Association, Inc. nga idauluan ni Mr. Armando Azcueta, Presidente ken dadduma pay nga asosasion a pakaisangratan dagitoy a proyekto. Naaramid ti turnover iti sango ti Munisipio (Presidencia) ket binayabay dagiti Opisiales ti ili ken DA-LGU kasta met dagiti dadaulo ti Farmer’s Association ni Mayor Ediboy a nangimatang iti panaginnallawat ti LGU-Cabugao ken dagiti Opisiales ti DOLE-Ilocos Sur iti nadakamat a proyekto iti Abril 21, 2015.
Dagiti awaten ti nasao nga asosasion ket nabaloran ti P507,000.00 a pakabuklan ti 2 Units complete kuliglig sets & 2 sets water pump (P382,000.00) ken 2 rolls hose (P125,000.00).
Kanaig daytoy, nainayon pay a naiparang ti Salt Fertilizer Project a maited manipud iti Philippine Coconut Authority (PCA) ken dagiti Knapsack Sprayer a napataud manipud iti pundo ti BUB (Bottom-up Budgeting) a para kadagiti mannalon.
Iti panagsarita ni Mr. Emmanuel H. Hagad, Chief, DOLE, Ilocos Sur, kimmablaaw ken nagyaman iti LGU-Cabugao nga idauluan ni Mayor Ediboy a kaduana da Vice Mayor DJ Savellano ken kamkameng ti Konseho ti ili maigapu iti naan-anay a panangikalikagum ti Munisipio iti pagkasapulan ti agriculturte sector ken iti nakaysa a panagdanggay ti Ehekutibo ken ti Lehislatibo iti pannakapataud ti Counterpart a pakapaaddaan ti proyekto.
Pinagyamanan met ni Mayor Ediboy iti natalek a panangikalikagum ti DOLE-Ilocos Sur kadagiti lungalong ti Munisipio a pagsayaatan dagiti sektor a makasapul iti serbisioda. Binigbig ti Ama ti Ili iti agtultuloy a panangipakita dagiti kailianna a naikkanen iti kakastoy a ramit a mangtungpal kadagiti maipaannurot kadakuada a pagrebbengan iti panangtaripato ken panangasikaso kadagiti proyekto a maited kadakuada tapno manayon ken mabayag a mangipaay ti pagsayaatan iti pagbiaganda.
Naragsakan ti Ama ti Ili iti kinaresponsable dagiti asosasion ken iti agtultuloy a pannakagun-odda kadagiti pammadayaw ket natalek dagiti nagkaadu nga Ahensia a kas iti DA, DTI ken DOLE a mangipaay kadagiti proyekto ken serbisio a mayannatup a maited kadagiti umili. # (Web In-Action)
Dagiti awaten ti nasao nga asosasion ket nabaloran ti P507,000.00 a pakabuklan ti 2 Units complete kuliglig sets & 2 sets water pump (P382,000.00) ken 2 rolls hose (P125,000.00).
Kanaig daytoy, nainayon pay a naiparang ti Salt Fertilizer Project a maited manipud iti Philippine Coconut Authority (PCA) ken dagiti Knapsack Sprayer a napataud manipud iti pundo ti BUB (Bottom-up Budgeting) a para kadagiti mannalon.
Iti panagsarita ni Mr. Emmanuel H. Hagad, Chief, DOLE, Ilocos Sur, kimmablaaw ken nagyaman iti LGU-Cabugao nga idauluan ni Mayor Ediboy a kaduana da Vice Mayor DJ Savellano ken kamkameng ti Konseho ti ili maigapu iti naan-anay a panangikalikagum ti Munisipio iti pagkasapulan ti agriculturte sector ken iti nakaysa a panagdanggay ti Ehekutibo ken ti Lehislatibo iti pannakapataud ti Counterpart a pakapaaddaan ti proyekto.
Pinagyamanan met ni Mayor Ediboy iti natalek a panangikalikagum ti DOLE-Ilocos Sur kadagiti lungalong ti Munisipio a pagsayaatan dagiti sektor a makasapul iti serbisioda. Binigbig ti Ama ti Ili iti agtultuloy a panangipakita dagiti kailianna a naikkanen iti kakastoy a ramit a mangtungpal kadagiti maipaannurot kadakuada a pagrebbengan iti panangtaripato ken panangasikaso kadagiti proyekto a maited kadakuada tapno manayon ken mabayag a mangipaay ti pagsayaatan iti pagbiaganda.
Naragsakan ti Ama ti Ili iti kinaresponsable dagiti asosasion ken iti agtultuloy a pannakagun-odda kadagiti pammadayaw ket natalek dagiti nagkaadu nga Ahensia a kas iti DA, DTI ken DOLE a mangipaay kadagiti proyekto ken serbisio a mayannatup a maited kadagiti umili. # (Web In-Action)
No comments:
Post a Comment