Cabugao, Ilocos Sur – Nakipartisipar ti Gobierno Munisipal iti ili ti Cabugao, Ilocos Sur nga idauluan ni Mayor Josh Edward S. Cobangbang babaen iti panangtarabay ti DA-LGU kadagiti makabael a mannalon ken mangngalap iti ili a Cabugao iti maar-aramid nga 10th Kannawidan Ylocos Festival 2017 nga insayangkat ti Gobierno Probinsial ti Ilocos Sur iti panangidaulo ni Gov. Ryan Luis V. Singson a nangrugi idi Enero 30, 2017 agingga iti Pebrero 8, 2017 a maangay iti Tamag Grounds, Vigan City, Ilocos Sur.
Kabayatan dayta a pagteng, kangrunaan a naidispley dagiti kangrunaan a produkto iti tunggal Munisipalidad kadagiti naisibar a Booth ket nakipaset ti DA-LGU Cabugao iti Pinaka-entries kadagiti nateng; prutas; fruit vegetables; rootcrops; leafy vegetables; spices; corn; fisheries babaen iti panangtarawidwid dagiti Municipal Technologist ti DA-LGU Cabugao nga idauluan ni Municipal Agriculturist Robert S. Savella.
Iti sabali a bangir, imbatad ni MAO Savella nga adda 18 a klase ti nateng nga insalipda ken sabali laeng iti benneg ti Livestock Category.
Deadline iti submission ti entries: Crops Commodities – Enero 29, 2017 iti 4:00 P.M. idinto ta ti Fishery Commodities ket idi Enero 30, 2017 iti 9:00 A.M. Awaten dagiti mangabak a mannalon ken mangngalap iti gungonada inton Pebrero 1, 2017 iti Tamag Grounds, Vigan City a pakaang-angayan ti 10th Kannawidan Ylocos Festival 2017.
Kabayatanna, dagiti naipaulog a guidelines iti salip ket timmulong dagiti DA-LGU Staff a nangiwanwan kadagiti nagited ti entries-da.
Panggep daytoy nga aspeto ti Festival iti mangparegta iti nadumaduma a sektor iti kagimongan ni Ilokano ditoy Ilocos Sur a mangiparangarang kadagiti nakaugalianda a produkto a maisalumina iti kaaduan. # (Web In-Action)
No comments:
Post a Comment