LEGISLATIVE AGENDA TI KONSEHO MUNISIPAL ITI TAWEN 2017, MABUKBUKEL

Cabugao, Ilocos Sur – Iti pannakiuman  ti Web In-Action idi Enero 5, 2017,  kinuna ni SB Secretary Maxfel S. Suboc a nakakalendario dagiti napapateg ita a Gakat a para iti pagsayaatan dagiti umili ken iti Munisipalidad iti Tawen 2017.

Iti kallabes a Tawen 2016, kangrunaan a tinaming ti Sangguniang Bayan iti pakaseknan ti Revenue Generation Program ti LGU Cabugao kadagiti benneg a kas iti sumaganad:

1. Panagpandayda ti Tax Ordinance.

2. Pannakabukel ti Revenue Generation Plan ken Resolusion a nangadaptar itoy.

3. Revision of Assess Values of Real Properties - naaramid ti maysa nga Ordinansa a mangipatungpal itoy.

4. Enactment of the Local Investments and Incentives Code.

5. Revision of the Municipality’s Water Consumers’ Code.

6. Revision of the NISTC Code.

Naisaganad ti Land Use and Utilization Program babaen iti Revised Comprehensive Land Use Plan ken Enactment of Zoning  Ordinance.

Nairaman pay iti Public Transport and Support Programs  babaen iti pannaka-Revised ti Cabugao Tricycle Code.

Segun pay ken ni SB Secretary Suboc, maitultuloy iti Tawen 2017 ti dadduma a gakat wenno lungalong  agsipud ta napagkaykaysaan dagiti agpampanday ti linteg a manayonan ti pakabuklanna sakbay nga agbalin a naan-anayda a linteg ket maileppasda iti Enero 2017.

Dagiti Gakat a maileppas ket aprobaran ken ipatungpal ti Gobierno Munisipal nga idauluan ni Mayor Josh Edward S. Cobangbang. 

Innayon ni SB Secretary Suboc nga iti Legislative Agenda ti Konseho Munisipal iti ili ket nabukel ken nagepekto nanipud 2013 agingga iti   2016  ket apaman a mairingpasda ti masakupan ti Legislative Agenda 2016 iti bulan ti Enero 2017,  mangpanday ti Sangguniang Bayan iti Legislative Agenda para  iti sumaruno nga uppat a Tawen: 2017-2020 a mapagkaykaysaan dagiti Konsehales ti Ili a tarawidwidan ni Bise Mayor DJ Savellano.

Insupusop ni SB Secretary Suboc a tallo a kangrunaan a Gakat ti natratar iti Tawen 2016: Water Consumers’  Code; NISTC Code ken iti pannakabukel ti pagannurotan iti panagoperar iti Cabugao Commercial Center Annex idiay  Tiendaan. # (Web In-Action)