Cabugao, Ilocos Sur – Naangay ti Meeting dagiti kameng ti Federated Barangay Health Workers (BHWs) Association ti 33 a barangay ti ili idi Enero 30, 2017 iti Cabugao Cultural and Sports Complex, Brgy. Rizal, Cabugao, Ilocos Sur.
Dagiti natratar ken napagnanamingan:
1. Update dagiti rekord dagiti BHWs kasta met iti pannnakabayad dagiti Monthly Dues ken Contributions-da iti Asosasionda.
2. Pannakaipakaammo kadakuada kadagiti baro a pammilin manipud iti DOH ken RHU-MHO.
3. Pannakatulag iti sangsangkamaysa a panagatendarda iti BHWs Congress idiay Vigan City inton Pebrero 7, 2017.
4. Panagyamanda iti LGU-Cabugao nga idauluan ni Mayor Josh Edward S. Cobangbang iti panangtulong ti
Munisipio kadagiti gannuatda nga BHWs.
Manamnama nga agtutuloy a sumaysayaat ti serbisio dagiti BHWs gapu iti nasiken a pannakikammayetda kadagiti Opisiales ti Barangay ken iti Gobierno Lokal iti panangipatungpalda ti pagrebbenganda a kas pannakabagi ti Sektor-Salun-at iti Barangay, segun ken ni Mrs. Janet Sison, Public Health Nurse, RHU-MHO Cabugao a maysa kadagiti nangmiting kadakuada. # (Web In-Action)
No comments:
Post a Comment