Tuesday, January 17, 2017

PAGISADAAN TI NATENG ITI NATIONAL HIGHWAY, MAAR-ARAMID

Cabugao, Ilocos Sur – Agtultuloy a maus-usar ti naited a pribilehio  a para iti “Pagisadaan ti Nateng” iti igid ti Kalsada Nasional iti asideg ti NISTC Public Market, Cabugao, Ilocos Sur.

Iti agdama, maobserbaran nga adda dagiti  agipalpalugan iti nateng ta no iti kallabes ket kapigsa ita a bulan  iti panagipatulodda iti nateng a maangkat ken mailako idiay Urdaneta, Pangasinan, Balintawak, Quezon City ken Divisoria, Quiapo, Manila.

Iti kallabes a tawen, mangrugida nga agoperar idi Nobiembre  ken agpatinggada iti  arinunos ti Mayo   gapu ta agtultuloy latta iti mailakoda a nateng iti deretso a panagmula dagiti mannalon.

Iti  itatapog ti Tawen 2017, madlaw ti naksayan a bulto ti nateng ngem adu ti nakasagrap iti napintas a presio  ta naisapada ti nagmula kangrunaan iti Django Pepper ken ti   Bell Pepper ta nangingngina ti panaggatang dagiti mailako kadagiti Merkado ngem kadagiti Trakan nga umay aggatang nga ilakoda met  iti Paktoria nga agkasapulan kadagitoy a  nadakamat a nateng nangruna iti sili.  # (Web In-Action)

No comments:

Post a Comment