Cabugao, Ilocos Sur - Segun ken ni Market Supervisor Norma S. Bertumen, Market Supervisor nga agtultuloy latta iti pannakapasayaat ti las-ud ti Tiendaan (NISTC Public Market).
Kabayatanna, kanayonan ti naipatakder a Commercial Annex Building ket mapaspasayaat ti landscape iti sango ken bakrang ti pasdek babaen kadagiti LGU Personnel.
Di met maliwliwayan a maar-aramid ti “Flushing” iti basar ken stalls iti paglakuan ti ikan ken karne iti mamindua iti makalawas ket maar-aramid pay iti inspeksion kadagiti ambulant vendors babaen iti Sanitary Inspector ti LGU-Cabugao kadagiti Food Handlers nga aglaklako iti ikub ti Tiendaan tapno agtalinaed a natalged dagiti mailako a makan ket naobligarda iti panangpaaddada kadagiti rekititos a kasapulan a kas iti medical certificate iti pannakaipabaro ti lisensiada nga agoperar ita a Tawen 2017.
Malaksid iti uneg ti Tiendaan, agtultuloy ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy met a pannakadalus ti agsumbangir ti Kalsada Nasional a batog ti Tiendaan agraman kadagiti drainages tapno agtultuloy a nasigo ti sanitasion iti NISTC Public Market a para iti sapasap.
Dagitoy nga aksion ken inisiatiba ket maiyataday iti Direktiba ti Municipal Chief Executive iti regular a pannakamantener ti uneg ken ruar ti Tiendaan para iti pagsayaatan dagiti Marketgoers ken iti sapasap. # (Web Situational Report)
No comments:
Post a Comment