Cabugao, Ilocos Sur – Nangrugi idi Enero 9, 2017 ti sangsangkamaysa a panagsakada dagiti umili nga adda negosiona iti Business Permit (new applicant, renewal) ditoy Munisipalidad a pakairamanan idiay NISTC Public Market.
Naawagan iti Business One Stop Shop wenno BOSS iti wagas a panagala ti Business Permit 2017 ditoy LGU Cabugao.
Naiplastar ti napagsisilpo a lamisaan iti uneg ti pasdek ti Early Childhood Care and Development a pakakitaan kadagiti pannakabagi ti nadumaduma a Departamento ti Opisina ti LGU kasta metten dagiti dadduma pay nga Ahensia iti salinong ti LGU Cabugao kas iti Bureau of Fire Protection (BFP); PNP; SSS; ken RHU a pakaiprosesuan dagiti papeles sakbay a magun-od ti permit
ti negosio.
Daytoy nga addang ken wagas ket maar-aramid iti umuna a bulan ti kada Tawen tapno maipadaras ti panagsakada dagiti umili a maseknan iti business permit.
Maibatay iti pakaammo ni Ms. Racquel S. Ancheta, License Officer II ken General Services Officer (GSO) iti Munisipio, naikeddeng nga Enero 20, 2017 ti deadline iti panagsakadaan (pabaro/new permit) ti Business Permit. # (Web In-Action)
No comments:
Post a Comment